મને એજ સમજાતું નથી

મને એજ સમજાતું નથી શીદને આવું થાય છે ?

સર કારી શાળા ટૂટતી જાય છેને સ્વનિર્ભર શાળા ફૂટતી જાય છે…
કોઇ કોમ્પલેક્ષમાં તો કોઇ શેરીઓમાં શરૂ થઇ જાય છે. મને….
તાલીમ કે પ્રોગ્રામ એક વિધિ બની રહી જાય છે,
ચા-પાણીને નાસ્તો કરી બધા છૂટા પડી જાય છે. મને …
વેકેશન ખૂલતા જ બાળકોની મોજ મરી જાય છે,
ભણાવવાના ભોગે ઢગલો હોમવર્ક આપી જાય છે.
બાળકોને માબાપનું આ વૈતરું બની જાય છે. મને…
દફતરોનો આ ભાર ગધેડાની જેમ વેંઢારતા જાય છે,
ઢળતી જવાનીમાં એ કમરનો કસ કાઢી જાય છે.મને..
થયું વર્ષ પુરુને પરીક્ષાની બીક આપી જાય છે.
કોઇ હતાશ તો કોઇ આત્મહત્યા કરી જાય છે. મને
ટ્યુશનિયા શિક્ષકો ભૂલકાંઓને ભરમાવી જાય છે.
વહાલાઓ સારા માર્કસે પાસને બીજા પાછળ રહી જાય છે.
મને એ સમજાતું નથી શીદને આવું થાય છે ?