ગણિત ગમ્મત

1) (૧)કોઈ એક સંખ્યા ધારો. પછી તે સંખ્યાને ૨ વડે ગુણીને બેવડી કરો. પછી તેમાં આઠ ઉમેરો. જે સરવાળો આવે તેને બે વડે ભાગો. ભાગાકારમાંથી તમે ધારેલી સંખ્યા બાદ કરશો તો જવાબ હંમેશા ૪ આવશે. (૨) નવના ૬ આંકડાને ગણિતની નિશાનીઓ મૂકીને એવી રીતે ગોઠવો કે જવાબ એક સો આવે. યાદ રાખો કે બીજા કોઈ આંક કે શૂન્યનો ઉપયોગ કરવાનો નથી. (જવાબ ઃ ૯૯ + ૯૯ /૯૯ = ૧૦૦) 2) કોઈપણ એક પૂર્ણાંક સંખ્યા લો અને કાગળ પર લખી લો. જો એ બેકી સંખ્યા હોય તો એને 2 વડે ભાગી નાખો અને જો એ એકી સંખ્યા હોય તો એને 3 વડે ગુણી તેમાં 1 ઉમેરી દો. જે નવો અંક મળે તેના પર એ જ પ્રક્રિયા (ભાગાકાર અથવા ગુણાકાર અને સરવાળો) ફરી વાર કરો અને એમ જ ચાલુ રાખો. પરિણામ શું આવે છે? ઉદાહરણ વડે જોઈએ: ધારો કે આપણએ 13 થી શરૂઆત કરી. એ એકી સંખ્યા છે એટલે એને ત્રણ વડે ગુણીને એક ઉમેરીએ. 13 x 3 = 39 + 1 = 40 40 એ બેકી સંખ્યા છે એટલે એને 2 વડે ભાગો. 40 / 2 = 20. 20 / 2 = 10 (બેકી સંખ્યા) 10 / 2 = 5 5 x 3 = 15 + 1 = 16 16 / 2 = 8 8 / 2 = 4 4 / 2 = 2 2 / 1 = 1 1 x 3 = 3 + 1 = 4 4 / 2 = 2 2 / 2 = 1 આમ, ગમે તે અંક થી શરૂઆત કરી હોય, અંતે ગણતરી એવા તબક્કે પહોંચી જાય છે જ્યાં હવે માત્ર ત્રણ જ પરિણામો એના એ જ ક્રમમાં આવ્યા કરશે. 4..2..1..4..2..1..4..2..1..